去年被傳介入老闆林小明婚姻而飽受困擾的江若琳(Elanne),在新戲《愛情故事》中,與𡃁界女神文詠珊(JaniceMan)及Square成員何浚尉(Rex)上演好姊妹戀上同一男的故事,不知現實生活會否有助Elanne入戲。
江若琳在電影《愛情故事》中,與JaniceMan同時戀上Square成員何浚尉,她去年才牽涉入老闆林小明的婚變中,不知演戲時可會有芥蒂。Elanne大方地說:「點只兩個爭一個,我哋三pair都有嘢。」
低潮情緒配合
原來Elanne與JaniceMan在戲中飾演一對好朋友,還有一場激烈的吻戲,她說:「同JaniceMan由《愛鬥大》已經好friend,所以錫起嚟好自然。嗰場戲錫到周邊啲人都呆晒,導演話我哋借位都可以完成,但係我哋就下下都係真錫。」
《愛情故事》於去年9月開始拍攝,適逢Elanne與老闆林小明傳緋聞的非常時期,她說:「嗰件事只不過係令到個人嘅情緒會處於更低點,不過我喺戲入面自細就知道自己有血癌,本身情緒就已經好谷底,加上我唯一嘅好朋友同我鍾意埋同一個男仔,所以拍嘅時候成個內心都好矛盾好掙扎,好唔開心。」
Rex遭兩女打擊
JaniceMan今次在戲中將以短髮示人,飾演賣魚女小榛的她自言從來不食魚,為角色特意到魚檔學劏魚,她又謂角色內斂被動,與她真實的性格相反。
首次拍戲的Rex則說:「佢哋喺戲入面嘅性格係兩個極端,自己喺現實中就會鍾意主動直接啲嘅女仔。」被問到JaniceMan與師姐Elanne那個更直接時,他笑說:「兩個都好直接,不斷咁打擊我嘅自信。」兩位靚女在旁聽到即時呼寃枉,十分搞笑。
採訪:田江雁 攝影:葉君海