【本報記者溫哥華直擊】陳冠希（Edison）在加國完成作供後，已於昨日轉飛新加坡，準備今日在當地連踩兩場活動。Edison抵溫哥華機場時，對鍾欣桐為復出向詹瑞文拜師學戲一事，只祝願她「快啲好番」。一直擔憂愛兒的陳母則眼紅紅目送Edison離境，總算鬆一口氣。
陳冠希大前日在加拿大卑詩省最高法院為藝人淫照案作供，完成作供程序後，他已於昨日離開溫哥華，經香港轉飛新加坡出席今日舉行的食品活動及adidas派對。
溫哥華時間昨日凌晨12時多，身穿旗下品牌、印有美國總統奧巴馬鈔票圖案T恤的Edison，由母親、兩名經理人公司職員及兩名保鑣陪同下到達溫哥華機場。Edison母子沿途有傾有講，記者問Edison對於鍾欣桐（阿嬌）向詹瑞文拜師學戲有何看法，他只說：「希望啲女仔快啲好番。」Edison現有宗教信仰，被問到耶穌對他如何？他說：「Jesusisgood。」
「打擊後生性咗」
抵閘口時，Edison母子依依不捨深情擁抱，Edison跟母親說聲「Takecare」後便由公司同事陪伴入閘，兩保鑣未有隨行。據知Edison乘坐的是國泰航班商務客位。
其母眼紅紅目送兒子離開後，她接受記者訪問時說：「個仔同我講，話如果有啲問題一定要佢作答（指作供），寧願被判藐視法庭、要坐監，都要盡力保護啲女仔。𠵱家我送咗個仔入閘，鬆番一口氣，希望所有女仔、佢哋嘅家人同埋Edison都好好珍惜自己，做好自己。」
Edison母親續說：「每次啲仔女走都唔捨得，但唔緊要，有電話同email聯繫，雖然faraway，但個心好close。呢件事對佢打擊好大，但好嘅方面係以後懂性咗、生性咗、成熟咗好多。我哋做人成日都要處理唔同嘅問題，希望Edison深深諗下呢件事，唔好再犯，要勇敢向前生活。希望大家畀佢有個機會，同埋畀其他女仔有個機會，等佢哋做好自己。」
栢芝首談Edison
Edison已為個人事業鋪橋搭路，他除了到星洲宣傳，其主演的電影《神槍手》本來受淫照事件影響一度推出無期，但近日終可出生天，暫定下月24日在香港國際電影節舉行首映。
自從爆發淫照風暴後，張栢芝一直專心湊仔，未就事件作回應。不過隨着Edison出庭作供，栢芝終走出困局，昨日她秘密接受有線娛樂新聞台專訪，據知她將首度開腔談及Edison，而有線方面對此十分緊張，加上淫照案正開審中，所以有線錄影節目後會先交律師審閱，預計訪問今日播出，據悉栢芝在節目中更落淚。至於栢芝昨晚在有線完成訪問後，即乘坐保母車離開，而其夫謝霆鋒昨日在柴灣開工時也未有對事情作回應。
撰文：葉雪
