吳浩康模特兒女友莊思敏，姚書軼及AnaR.前晚為香港國際毛皮時裝展覽會行騷，莊思敏更因左眼生眼挑針，要帶病上陣行騷。
現場見她的左眼十分紅腫，她表示：「頭先化妝都要小心啲，個化妝師都十分擔心，化緊妝嗰時流咗啲膿出嚟，我都要即刻敷熱水袋同搽藥膏。」
火麻仁出事
問到莊思敏為何會眼睛生瘡，她即笑言懷疑男友吳浩康是元兇：「之前佢買咗火麻仁畀我清熱氣，可能啲毒走晒出嚟，因為自己平時好少飲火麻仁，我同佢講番呢件事，佢淨係識得笑。」
此外，姚書軼（Mikki）對日前行珠寶騷時走光透點一事猶有餘悸，她表示：「其實應該冇走光，不過件衫太性感，之後我都即刻搵AmandaS.借乳貼，有時有啲意外都好正常，唔好睇到咁大件事。」
採訪：羅慧敏
攝影：陳慧安