日本花心男星中村獅童自從同竹內結子離婚後，身邊女伴轉個不停。盛傳秘密搭上松田聖子愛女神田沙也加嘅中村，近日多次被目擊喺東京下北澤嘅居酒屋，同舊愛篠原友惠密會飲酒，據知每次中村飲到醉醺醺就會call篠原到場。中村同篠原喺03年拍拖，後來中村同竹內結子奉子成婚而分手，但女方多年嚟都未死心。