我牽牛唔講得係廿四孝乖仔，不過對眠亁睡濕養大我嘅媽媽都好尊敬；周六蘇超聯賽事，一於再捧「媽媽好」馬瑟韋爾（Motherwell）作客打低恩華尼斯，咁禮拜就有錢請母親大人去飲茶。
射手奇勒臣頻有「士哥」
呢隊蘇超「媽媽好」真係唔講得笑，聯賽8場不敗，上仗小弟已貼佢哋主場唔怕些路迪，結果迫和1:1，連波膽都中埋。無錯馬瑟韋爾個大爛地主場係搶分關鍵，不過佢哋作客都唔差，有大勝登地聯紀錄。「媽媽好」呢排咁弗，同佢哋前鋒奇勒臣大勇有關，近兩仗作客佢都有「士哥」，今場對榜尾球隊恩華尼斯，又係博「士哥」好機會。
恩華尼斯上仗主場擊敗喜伯年，取得近11場聯賽首勝；呢場波開盤就認真奇怪，大世界開平手盤，甚至恩華尼斯低水，不過足智彩竟開個恩華尼斯[+1]，畀個1.4倍主勝你食，好似費事你贏咁多。不過呢班兵今季未嘗聯賽兩連勝，如果佢哋唔破數據，今次呢個平手盤，恩華尼斯就有輸冇贏。而且今季首次循環對手，恩華尼斯都輸晒畀馬瑟韋爾，點計都係捧四平八穩嘅客隊。
馬略卡失地利難敵希杭
配腳方面，就搞一搞畢傑嘅地盤，博希杭主W；希杭終於克服魔鬼賽程，雖然3連敗，但對手係巴塞、皇馬同維拉利爾，難得佢哋作客巴塞同維拉利爾都入到波，攻力有番咁上下，而且主場都打低過西維爾、華拉度列等硬淨對手。馬略卡無疑係西甲比較「邪氣」球隊，年年護級但年年都救得番，近3仗攞到7分，不過過程開始勉強，上仗對桑坦德，多打一人都係完場前2分鐘入波。今次馬略卡冇埋小島主場威力，唔信佢可以4場不敗。文：牽牛
早飛王貼士
星期六39恩華尼斯vs馬瑟韋爾
首選：馬瑟韋爾（平）
次選：馬瑟韋爾勝（2.55）
冷選：馬瑟韋爾勝2:1（8.5）
早飛倉
主菜：星期六39馬瑟韋爾（平）@1,000
渾水摸魚過關：星期六39馬瑟韋爾勝（2.55）x星期日24希杭勝（2.15）2x1@500
今日早餐價錢：$1,500
上日賺蝕：-$1,500
早飛倉結餘：$80,064
規則：$100,000本錢，每日買早報最多動用$5,000，最少$1,000，逢周二、五見報。
周末焦點
星期六2 墨爾本勝利vs阿德萊德聯
今季澳職聯最後一戰，由墨爾本勝利主場對阿德萊德聯，勝方就成為今季總冠軍；勝利在季後賽首圈，兩回合計6球大勝「阿聯」，看看阿聯能否成功復仇。
星期日22 曼聯vs熱刺
在溫布萊進行的英聯盃決賽，已奪世冠盃的曼聯，力圖爭奪5冠王第2關，貝碧托夫可能倒戈又成焦點；熱刺上屆力克車路士捧盃，看看能否衞冕。
星期日39 國際米蘭vs羅馬
兩支在歐聯未能贏波的意甲球隊在周日聯賽壓軸戰交手，國際米蘭主場僅與曼聯賽和0:0，3連勝走勢告終。羅馬作客0:1不敵阿仙奴，今仗對他們爭取來季歐聯資格有關鍵影響。