我確信，香港人最常食嘅日本嘢，絕對唔係壽司刺身，而係茶餐廳最出名、想食要加兩蚊嘅出前一丁。香港人一向諗頭多多，甚至絞盡腦汁將普通至極嘅一丁麵，變成神級美食。近日小記收到風，應屆出前一丁星級廚神金獎得主連同得獎菜式進駐雄丼丼，冠軍級一丁麵的滋味，一丁迷必試。
記者：王震遠
攝影：王文忠
丁神小檔
平時愛四處覓食的雄哥，入廚超過廿年，於酒店學師，曾於銅鑼灣辦過私房菜館。今年初自立門戶，設立雄丼丼。
一丁的執着
08年尾，日清舉辦出前一丁星級廚神爭霸戰，雄哥擊敗所有入圍對手，從評判之一的蔡瀾手中接過冠軍獎牌，成為新一屆金獎得主。當時還為鰂魚涌甄記廚房出戰，直到今年2月初，雄丼丼正式開業後，雄哥便主力打理此店，其得獎一丁菜式也順勢進駐新店。比賽過後，食客都打趣地戲稱雄哥為丁神。看丁神對丁麵的執着，就知此美譽當之無愧。他試過在午市時間推出得獎一丁，發現午市極度繁忙，時間根本應付不來，為免影響了質素，現已改為只在星期六、日供應，果然沒有因為拿了冠軍而鬆懈。
蟹皇油肉碎燜一丁生麵配XO醬梨絲$45
用了泰國餐常用的蟹皇油，混合了薑、花雕和豬肉一起煮，和淥好的生麵一同燜。豬肉帶出了蟹皇油的鮮味，麵條吸收了汁的精華，惹味無比。（限星期六、日供應）
紅酒燜西冷筋撈出前一丁$45
選用西冷連筋的部位，用甘笋和洋葱燜腍，加上以紅酒煮開的肉汁配上麵底。西冷肉質腍身，入口鬆化，醬汁夠濃，帶陣陣甘笋香甜。（限星期六、日供應）
濃蝦湯揚名鰂魚涌
雄丼丼主力提供中、西、日式午餐，吸納太古坊不少上班族幫襯，舖位不大，但一個下午可以做超過二百個客的生意。除了一煲濃蝦湯揚名鰂魚涌外，最拿手的是湯飯，以一種肉類熬成濃湯，再配搭該種食材來當菜式，如手撕雞泡飯也是用雞汁湯來配合，份外濃郁。
法國濃蝦湯野菜泡飯$42
蝦湯底以十多斤蝦打爛後熬，濃湯配味較淡的野菜，吃了整碗飯也不覺漏。
山東手撕雞雞湯泡飯$43
以秘製香料將雞浸熟再拆肉，濃郁雞湯淋上飯。葱花帶出香味，雞肉嫩口。
雄丼丼（25625681）
鰂魚涌海灣街25號地舖
02年冠軍炒丁
將炒一丁變成香港特色美食，令本來平平無奇嘅即食麵，增值成賣亁炒牛河嘅身價。當中領軍人物，一定要數極之好。2002年憑金黃雞翼炒出前一丁，勇奪食神爭霸戰冠軍，令此店聲名大噪。並為從前以豉油王炒麵馳名的極之好，再添一道招牌貨。登上冠軍寶座，唔少人馬上慕名而來，為應付貪新鮮嘅港人，後來又推出新款式，如鴕鳥肉同花枝片。炒丁的麵條給水滾過，再用冰水過冷河，猛火炒，爽口又夠鑊氣。豉油街總店因租約期滿而結業，想食炒丁就請移玉步到通菜街分店。
金黃雞翼炒出前一丁$42
得獎後仍不斷改良，雞翼炸得香口，且能做到鎖住肉汁，配合爽口彈牙的出前一丁麵條，口感一絕。
首創XO醬花枝片炒出前一丁$45
以花枝片做食材認真落本，加上用XO醬調味，能帶出海鮮的鮮味，令爽口的花枝和炒丁更滋味。
極之好粥麵茶餐廳（23948414）
旺角通菜街154號地下
煲仔一丁
炒丁撈丁之外，還有煲仔一丁。以煲仔飯的方法來煮一丁，結果引來不少煲仔迷和一丁迷專程撐場。呢一煲聞名MK嘅煲仔一丁，竟然唔係茶記出品，而係一間粥店。松園粥店開業超過廿年，早期主力賣粥、油器等，後來舖面加建煲仔飯爐位，兼賣煲仔飯。為增加客路又賣埋煲仔麵。小記見阿姐煮煲仔一丁絕不馬虎，先於爐面放上煲仔，加水煮滾，加冬菇吊味，再放入食材煮好湯底，煮好麵仲會加上葱頭同辣椒絲，令湯底味道更香。
豬膶煲仔麵$25
別以為豬膶跟粥方是絕配，原來豬膶伴煲仔麵一樣美味，豬膶約七成熟最爽脆。
松園粥店（23326915）
旺角豉油街72號地下
