內地億元導演馮小剛前日喺內地舉行記者會，宣佈即將開拍《唐山大地震》，仲話計劃喺下年7月28日唐山大地震紀念日公映㖭！今次呢部電影由唐山市廣電集團、中影集團同華誼兄弟合資開拍，馮小剛話新戲嘅投資成本將會喺1.5億至2億人民幣之間，佢仲話呢部戲係佢嘅所有作品中拍攝同製作難度最高嘅。