容祖兒第二年任運動服代言人，昨日她在銅鑼灣出席活動，與導師一同做運動。談到謝安琪指《勁歌金曲》綵排時間少，當日有份錄影的祖兒謹慎地說：「有綵排，自己亦喺屋企練，時間一定倉卒，但對我嚟講係足夠，已經習慣咗，問題唔係太大。」
自認過來人
對於謝安琪經常惹是非，祖兒說：「我都係過來人，大家易誤會我，但無傷大雅就唔好抽秤，我衰咁多次好明白道理。每句說話啲人聽完都有唔同感覺，佢性格鍾意輕鬆方法去講。」問祖兒可有甚麼勸喻，她說：「唔好話勸喻，係分享啦，失敗中吸取意見，錯就要認，打就企定。」另外，有關最新財政預算，她說：「最好減到唔使交稅，但我嘅財政交晒畀媽咪打理。」至於煙稅增加，她說：「呢個係戒煙好時機。」
採訪、攝影：王連連