花旗股市前晚大幅反彈，皆因伯南克話唔會將大銀行國有化，道指升番兩百幾點，不過，老伯之言不可盡信，因為花旗政府要增持銀行股份，並唔係想唔想嘅問題，而係冇其他辦法。
花旗股市大升，港股噚日亦抽上，不過財爺份預算案冇料到，結果佢一路講恒指就一路升幅收窄，反覆企喺13005收市，升206點，成交仲係好靜。
駿威C輪14934：駿威（203）昨收2.60元，升9.2巴仙，同其他汽車股一樣，晏晝開始發力，成交明顯增加，睇嚟內地刺激汽車業嘅細節好快有公佈。駿威有機上試位處2.84元嘅250日線，可以諗吓隻C輪14934，現價33.5仙，（有效槓桿3.5倍），正股升上2.84元，14934可見45.6仙，正股跌穿2.45元，就沽咗隻輪止蝕。
俊樺