淫照主角陳冠希（Edison）連日來在溫哥華上庭作供，當中更確認了四位女星的身份，Edison現身令淫照事件再度成為城中焦點。曾和Edison傳緋聞的周麗淇昨日力撐他及祝福各人可以重回正常生活，但曾傳被Edison撬牆腳的吳彥祖則表現冷淡，坦言和Edison已沒有聯絡。
陳冠希近日於溫哥華為淫照案件上庭作證，再度令藝人淫照事件成為熱話，張栢芝、鍾欣桐（阿嬌）、陳文媛（BoBo）及顏穎思更被確認是涉案女事主。曾和Edison傳緋聞的周麗淇（Niki）也有留意事情發展，她昨日在中環出席化妝品活動時說：「知道佢唔係喺香港審訊，呢件事好似唔止影響到娛樂圈，係影響全世界。件事都已經影響咗一年，我都係娛樂圈一分子，希望件事快啲告一段落，希望當事人可以過番正常人嘅生活。」
吳彥祖冷對Edison
對於Edison一度希望保護四位女星而拒絕確認名字，Niki說：「呢啲法律嘅嘢我唔識，我都認識佢哋，好似Edison、阿嬌，BoBo，其實佢哋受咗好多壓力，希望佢哋冇事快啲投入正常生活，投入去做嘢。」至於有沒有跟BoBo聯絡，她說：「不嬲冇聯絡，但係識，都希望佢冇事。」
曾經傳被Edison撬牆腳的吳彥祖昨日到尖沙嘴出席活動，對於Edison一事只說：「我啱啱喺四川拍戲返嚟，唔知乜事，我唔知佢有乜決定，同佢拍完戲都冇聯絡。」同場的成龍則說：「已經係舊聞，不值一提啦。」問到可會鼓勵阿嬌復出，他說：「我鼓勵個個都復出，會唔會搵佢拍戲？你哋放過我啦。」
楊受成撐阿嬌復出
英皇老闆楊受成一聽到Edison即表現冷淡：「陳冠希關我乜嘢事呀？又唔係我間公司。阿嬌係下月復出，梗係支持。」另外，昨日記者致電給栢芝的老爺謝賢問及有關事情時他說：「唔再講呢啲嘢，咁嘅嘢叫我回應咩，你哋個個都儍儍哋，快啲收線呀！」而陳偉霆對於師姐阿嬌淫照一事，他認為事件已發生一段時間，相信錫阿嬌的人同樣覺得傷痛。
採訪：王連連、楊潔雯、藍文浩
攝影：陳俊強
小八卦：美娛樂網 大罵變態
陳冠希的淫照案官司不但於華人社區惹來關注，就連美國著名娛樂網誌PerezHilton也有報道事件。該網站的網主Perez昨日談及此新聞時，大罵陳冠希行為「變態」，不少網友發表刻薄留言揶揄陳冠希，其中有人還表示他「應接受專業輔導」但也同情其遭遇。
娛樂事業：退出香港 攻東南亞
陳冠希因淫照案，曾宣佈會永久退出香港娛樂圈，但他所屬的寰亞集團老闆林建岳在內地有公司投資拍電影，故陳冠希大可在內地發展，不過他有份演出的電影《神槍手》（圖），內地上映無期，但他不會放棄內地市場。據知東南亞各地片商有意向陳冠希招手，台灣也有製作單位力邀演出，除此之外，快餐連鎖店Carl'sjr正斟洽陳冠希任全球代言人，故他明日（27日）會先到新加坡首站作宣傳，稍後會到內地協助宣傳，相信陳冠希退出香港娛樂圈，在東南亞一帶發展也不愁沒有出路。
時裝王國：潮流教主 屢推別注
陳冠希避走北美後，雖然演藝事業完全停頓，但其潮流生意仍然運作，其品牌CLOT於去年不但繼續有新出品，更與多個美日潮牌合作，包括吸引潮人排大隊搶購的CLOTRoyalexvisvimChristo拖鞋、與ACU及adidas共同研發的ZX800波鞋、還有由Levi's、MedicomToy和CLOT合作推出的Watermelon&Strawberry牛仔褲，及與PSP合作軍褸（圖）等，均受到熱捧。
