曾鈺成近日春風滿面，正是只見新人笑，不見舊人哭，噚日佢去樹仁講座，罕有咁提及前妻同新女友。阿曾噚日重提當年舉家申請移民，被謔稱「太空成」事件，佢話當年成立民建聯後，根本完全忘記已辦申請移民加拿大手續，直至有關方面叫佢面試佢先醒起，佢形容自己當年戇居、烏龍，因為有兄弟叫佢可以壞事變好事，向記者講寧願同家人分開都要留港建港，不過佢過唔到自己嗰關，結果令家人承受好大壓力，所以覺得對屋企人唔住。
至於新女友，佢都好維護，話現時傳媒成日報道佢拍拖消息，多少對戀情有影響，但佢係公眾人物，無可奈何，只希望唔好影響得太嚴重就好。