男人最怕女人的眼淚，更怕說謊的女人。T富商三奶Karen與黃長發去年底由學法文演變成姊弟戀，由教學相長變成偷食男女，見慣商場波譎雲詭的T富商豈會嗅不到羶氣？
從T富商提供給本報的多段錄音聲帶中，紀錄了由上月９日至本月8日他與哎吔外父及舅仔對Karen的多次大迫供，但Karen始終堅稱沒跟黃長發拍拖，至本月4日T富商發現她親筆記下與黃長發的「纏綿記事」，Karen始無奈與T富商攤牌分手，並信誓旦旦不會跟黃長發一起，但數日後她便與黃長發公開承認相戀。10段聲帶，T富商講來講去，還是這句：「我都係要你坦白……」撰文：葉雪
1〉怒罵socheap
日期：09年1月14日 6:00pm
人物：Karen（K）及其弟（K弟）
事件：Karen弟弟在電話中不停質問為何Karen會在九龍塘上了黃長發的車子，刻意隱瞞戀情的Karen前言不對後語，言語間更透露被T富商收回座駕。
K弟：嗰條友（應指黃長發）咁有心過嚟車（你）？
K：咁人哋得閒，我能力做得到，朋友有事都出去啦……咁朋友有事就係咁樣幫手㗎啦！
K弟：咁我覺得你唔應該再同嗰條友出出入入，你咪坐交通工具囉！
K：得啦得啦，我踩單車出去得未？我??家坐緊交通工具出去囉，咪當自己停牌囉，佢（指T富商）架車有乜咁巴閉啫，買嚟畀我，一陣有乜唔妥又話要收番，都黐線，鍾意收就收囉，我唔介意喎……我覺得佢個人cheap之嘛，socheap
2〉否認戀情
日期：09年1月14日 7:00pm
人物：Karen（K）及其弟（K弟）
事件：Karen弟弟在電話中再次質問她在九龍塘乘車的過程，質疑她有講大話之餘，更透露T富商聘私家偵探跟蹤Karen。Karen則繼續否認戀情，更謂不會再見黃長發。
K弟：你明×知阿鄧唔鍾意你上呢條仔架車，或者任何一條仔架車啦，點解你要上佢架車度啫？喂！??家人哋有私家偵探跟到你，你真係好無辜喎！
K：……我都好㷫，我就係㷫佢攞走我架車。
K弟：仲會唔會見？仲會唔會電話聯絡呀？
K：……都唔想見，大佬……唔方便啫，我又唔係同佢開房，之不過做司機之嘛。
K弟：你自己諗掂佢，我真係頭都痛埋，日日電話都要叉電驚唔夠電……大佬，呢啲嘢盡量避忌吓，唔好俾人懷疑咪得囉
3〉被爆親密
日期：09年1月14日
人物：T富商（T）、Karen（K）和Karen父（K父）
事件：四人在家中對話，Karen被三人夾攻追問與黃長發的關係，其女兒更踢爆母親與黃長發表現親密，不過Karen仍否認和黃長發搭上。
T：個女就話你伏喺佢嗰度，佢又伏喺你嗰度，我再問清楚有冇呢件事？
K：有。
T：個女話你kiss咗個goodbyekiss，咁又有冇呢？好平常……
K：……碰一碰面，咁佢咪以為係goodbyekiss…唔係kiss喎，係碰面。
T：咁你有冇啫？咁你有冇碰面呀？
K：所有人都有。
K父：算啦！唔好再講咁多哩，佢追你又好，你追佢又好。
K：……我咁多年以嚟我話你聽，20歲開始拍拖，我都未試過追人，只有人追我啫，佢都唔係追。
T：我再問你，你同佢講我嘅嘢，佢知唔知我唔係你老公？
K：佢知你係我老公，佢以為你得我一個老婆。
T：我可以話畀你聽，我同你住埋啫，唔係老婆嚟……呢個人居心叵測，你明唔明？即係話你冇心，但係佢有意。
K：咪儍啦，你都話我38歲人，又唔係23歲，佢會唔會真係死心塌地咁追我呀？
T：佢追你唔係話追你上咗床就算，佢係居心不良……佢??家等我撇咗你，咁佢迷咗你之後就作你啲錢……
K父：我都話係
4〉死口唔認
日期：09年1月23日 人物：T富商（T）及Karen（K）
事件：T富商指摘Karen大話連篇，要求她不要再講大話，不過Karen仍堅決否認黃長發有追求之意。
T：你唔好講大話好唔好？
K：……仲有乜嘢好講啫！仲要掛住佢仲要提住佢呀？仲提呢啲人做乜？
T：你都同阿娜講，條死仔真係有追你，係追你呀，而你亦都係有種拍拖嘅feel……咁我對你坦白，你都唔可以對個老公坦白，你點樣改過？
K：（激動）咁我想你安心啲，咁我都話人哋唔係追我囉，佢點追我啫？……佢都冇我電話……
T：因為你身痕吖嘛，成日諗住同人拍拖……咪俾人迷鬼住，好似落咗降頭咁吖嘛，咁你真係要洗心革面呀老婆，你以後都唔好再同我講大話……
5〉攤牌分手
日期：09年2月8日
人物：T富商（T）及Karen（K）
事件：Karen向T富商攤牌講分手，但強調並非因黃長發介入。T富商則語重心長勸Karen切勿被騙財騙色。
K：我諗我同你冇可能再喺埋一齊。
T：唔一齊咪唔一齊，你係唔係同呢個法國仔呀？
K：唔係。
T：唔同我一齊冇問題……最緊要唔好畀個法國仔呃……你唔可以太任性，話人哋管住，你做得好錯……你已經唔係我嘅人，我先同你講……今次你搵個法國仔，細到23歲嘅細路，真係錯到不得了，個個好失望，咁你係唔係預算同佢一齊咁樣混落去呀？
K：我唔係同呢個法國仔一齊。我都識咗你咁耐，我已經好攰，所有人咁樣逼我，逼到我就快黐線……我知道你為咗我好擔心，sorry呀，同埋我真係好多謝你呢幾年照顧我……咁𠵱家算唔算好嚟好去？唔想好似越搞越大鑊，嘈到反晒面以後都唔使見，因為你始終係BB爸爸，唔想做到咁盡……我成日話我打電話畀你搵唔到，我就會諗一大餐，我就算行唔開都要死跟住你，我覺得好辛苦，我覺得以前咁樣mark住你，其實我係好辛苦你又唔知。
T：我知我知，所以你心魔解決唔到就冇辦法喺埋一齊……呢個法國仔擺明呃你啦，唔好話唔係啦
K：都冇同佢開始過，只不過係朋友，係你哋個個都唔信……
T：……我係唔鍾意你呃我之嘛……我覺得你好好，最好一個，係我生命裏面嘅女人最好一個，乜嘢都係最好。
有情歲月：姊弟戀真人騷
23歲港男黃長發自言為39歲的T富商三奶Karen退出娛樂圈後，二人經常不避嫌攬攬錫錫做真人騷，事件演變成家事糾紛，一發不可收拾。
《08年》
12月6日：黃長發與Karen在友人派對上一見如故，男方施展SMS攻勢，又借教法文親近，迅速奪芳心。
《今年》
2月4日：T富商得悉Karen戀上黃長發後，收回之前送給她、價值90萬的房車，並在車尾箱發現女方記事簿，記下她每日與黃長發纏綿逸事。
2月9日：Karen與黃長發的戀情被傳媒揭破。
2月11日：有報道指黃長發向T富商兩度發挑釁SMS，黃長發即偕Karen高調開記招否認其事，並宣佈退出娛樂圈。
2月13日：Karen被揭曾先後與台灣歌手伍思凱和香港導演錢永強等拍拖。李父則指女兒有躁狂症。
2月14日：Karen父繼續爆料指女兒情史多多，父女反目。
2月15日：Karen哭訴遭家人離棄，又反擊李父經常向她索錢，並揚言與黃長發真心相愛，願為愛重投社會自力更生。
2月16日：Karen再爆T富商向她「閂水喉」，還指對方計劃打官司收回部份物業。
2月18日：Karen指遭父禁止外出，但她仍突破防線偷會愛郎。
2月19日：有指一直在美國公幹的T富商將舉行記招爆內幕，Karen則繼續與黃長發煙韌拍拖。
2月21日：黃長興證實胞弟長發將於四月返新工，做會計文員。
2月22日：Karen友人向傳媒大爆爭寵內幕，指二奶恐地位不保急急造人，另Karen又放風指擔心女兒離開自己後得不到幸福。
2月23日：T富商接受本報專訪力數Karen。
資料來源：《蘋果》資料室
人物誌：T富商被譽名牌保母
前日大爆三奶Karen大話連篇的T富商姓鄧，現年66歲，為人一向低調，但事業方面卻鋒芒畢露。
鄧先生出生於澳門，濠江中學畢業，來港後最初只是在小型鞋業公司任職，68年自行成立有限公司，經營鞋類出口生意，在行內漸漸有鞋王美譽。經營出口生意之餘，T富商還開設鞋廠擴展業務，建立生產王國。
T富商最為人稱道的是其「名牌保母」美譽，凡是有新牌子需要開發及代理採購，大都點名找T富商相助，而多個著名運動品牌如Reebok、DKNY及Kappa等，均是由T富商一手湊大，現在他仍然負責這些著名品牌的生產工序。