39歲的鄧姓鞋王T富商三奶李姿霆，自稱為追求真愛甘願主動離開富商，與23歲的港男黃長發譜姊弟戀。被爆出背T富商偷食後，Karen隨即遭經濟封鎖，早前更傳出富商要爭回二人的5歲女兒撫養權，Karen曾力斥富商沒資格，不會接受母女分離。
計劃開美容院
Karen上周獲悉T富商會向傳媒爆其大鑊後，曾表示要待對方開腔後才回應，但她日前已接受記者電話訪問，明知富商閂水喉，她仍說：「佢可以唔將啲嘢留畀我，但係個女佢都有份，係有責任要供養佢，我唔恨要佢啲乜嘢，佢驚我攞咪直接寫個女嘅名囉。」
據知Karen有T富商的大水喉射住期間，每月獲8萬元家用，當中數萬元會花在囡囡的學費和課外活動上，她又每季豪買名牌為囡囡扮靚，希望她即使缺乏父愛，也可在舒適和幸福的環境下成長，不過這些風光生活，隨着富商斬纜，相信很難繼續。
現時Karen無富商照顧，新歡黃長發又放棄藝人工作，轉行做會計文員，收入有限，就算她手上仍持有富商之前送贈的首飾和物業，始終也有坐食山崩的一天。
問到Karen可擔心日後再難過富婆生活？她說：「我對生活需求好簡單，有錢只係捨得使喺個囡囡身上，我有手有腳，又有珠寶鑑證牌照，最多咪出番嚟打工。」她又計劃待事件告一段落後，會與朋友開設美容院，實行自力更生。
「邊個願做三奶」
Karen認為整件事她沒有錯，她說：「邊個人願意做人三奶？成件事揚咗出嚟，我都俾全香港嘅人笑啦，𠵱家我選擇自己條路，退出呢個複雜關係，追尋真愛同自己幸福，唔通咁都唔啱咩？」
Karen又強調不介意黃長發年輕自己16載，以及他將變成平凡上班一族，Karen說：「大家一齊溝通到同夾咪得，我對呢段感情好有信心。」
採訪：比華利