韓劇《花樣男子》越播越勁，韓版花澤類金賢重喺前晚一集以短髮新look登場，加上有佢同道明寺李民浩大打出手，以及李民浩痛哭嘅鏡頭，順利將收視推高至32.4%，創下齣劇嘅新高。相反宋承憲播至尾聲嘅《伊甸之東》收視就跌至23.2%，但劇組宣佈再添食兩集，女主角韓智慧近日仲以復古造型幫雜誌影靚相㖭。