因為地鐵縱火案一役成為英雄嘅前AO季詩傑，早前獲社民連開會通過，支持佢參加補選，爭奪因為詐騙入獄嘅灣仔區議員李繼雄留低嘅空缺。
社民連畀人覺得激進，離開政府後做過大律師、𠵱家係一間上市公司總經理嘅季英雄點解加入社民連呢？原來佢認為社民連夠真，既然喺立法會好多議題或者投票都唔會敵得過保皇派嘅舉手機器，咁不如我行我素，製造啲聲音，替公眾發聲喎。
社民連內部都有人同季英雄爭出選，對手聽講係做過一位民主派議員嘅助理，但最終13票中除咗1票棄權，11票支持季英雄。季英雄雖然大比數勝出，但仲要經泛民呢個月尾之前開會協調，好快有結果。