球迷唔知有冇留意，喺星期三朝頭早有場球賽編號係星期二18嘅騎呢波賭。查實呢場由美職聯侯斯頓戴拿模主場對墨西哥阿蘭特嘅比賽，係中北美洲冠軍球會盃8強首回合。講真，呢場波同今晚啲歐聯同埋英國波比，真係垃圾過唔垃圾，不過勝在時間好，開早上11點，而且中北美洲冠軍球會盃嘅主辦單位又夠誠意，官網有英文版，資料又算齊，同埋更新得夠快，如果聽日一早起身冇嘢做，玩吓都無妨。