花旗股市上禮拜五創6年半新低，壞消息不絕，港股噚日能夠升近500點收市，都算可喜可賀，不過，成交仲係好奀，未夠力扭轉弱勢。
花旗嗰邊傳政府會將幾間大銀行暫時國有化，講到似層層，如果傳聞確認，對股市應該屬負面，因為會為其他冇被國有化嘅銀行（包括其他國家嘅銀行）帶來壓力。A股造好為噚日港股帶來支持，港股短線都係要靠A股撐住。
國壽C輪15377：國壽（2628）昨收23.20元，升5.2巴仙，成交多番啲，再推上去就睇24至26元，可以諗吓隻C輪15377，昨收24.9仙，有效槓桿5倍。
正股升上26元，15377可見42.3仙左右，正股跌穿22元，就沽咗隻輪止蝕。
俊樺