29歲嘅內地女演員潘星誼（小圖）喺屋企跌倒，俾魚缸玻璃割到大動脈意外身亡，噚日喺北京八寶山公墓出殯，有好多圈中人送別佢，溫兆倫曾經同潘星誼合作拍劇，上月溫兆倫有股份嘅髮型屋又簽咗潘星誼做代言人，點知發生咁嘅意外，溫兆倫既傷心又難過，仲親自寫咗篇文章紀念好友，話自己好痛心，永遠都唔會忘記佢。