大興土木從來都係振興經濟有效手段之一，由於內地為了今年經濟能成功「保八」，所以亦由基建方面入手，不少散戶好留意一眾基建股表現。平心而論，市場上幾隻基建股近期走勢都係一般，唔算太搶眼。
好似最近剛中標兩項重大工程，合計達185億元人民幣的中國鐵建（1186），自年初股價升至13元後，即由高位回落，高位摸貨者家陣仍要承受「坐艇」之苦，但內地鐵路部加快推出新鐵路工程，其實利好中鐵建。
高盛證券最近發表報告指出，中鐵建新增鐵路合約價值超過300億元人民幣，維持「買入」投資評級，H股目標價12.50元。
短期料下試9元
不過，工程雖然接得多，原材料價格以及滙率風險卻係隱憂，此外毛利率受壓，都令中鐵建添上不明朗因素。入市炒基建股，建議採低吸策略。中鐵建短期可能考驗今年1月低位，不妨待跌近9元才考慮入市。
方星俠