商務及經濟發展局嘅頭箍小姐常秘爆出叫下屬做報告，其實係考驗吓下屬嘅事件；八方報道當日，頭箍小姐即刻逐一召見轄下所有組別同事，查究邊個爆料。AO界話，佢賴晒係自己下屬放料出去。
有AO話，其實頭箍小姐做嘢極端謹慎，次次見人，甚至只係一餐飯局，都會叫下屬同佢寫份brief，即係相關嘅資料，但係啲資料唔會有新嘢，頭箍小姐自己都應該識。佢平日見咁多人，搞到啲下屬經常翻文件幫佢寫brief，做其他嘢嘅時間自然少咗啦。
況且，頭箍小姐有冇時間睇得晒都好成疑問，因為有啲brief成幾十條題目。有AO就笑笑口同八方講，查實呢類上司AO界唔少，以往梁展文出席記者會前，要十幾廿個房屋署高層同佢一齊做預演，黃星華亦鍾意叫人同佢寫好多brief。