小店租平儲豪客
Select18本身只是無心插柳下開的一間小舖，店主Thomas與Mido相識滿天下，朋友中有Stylist、電影美指、娛樂圈中人，都是大量消費高質素時裝的一群。於是近近哋在屋企附近搞咗間似足歐洲小店的Select18，賣大批不同Style的男、女裝，當中日牌特別多：除了年代久遠的Kenzo，還有極具Details的Yohji、Julius，數到潮牌N.Hoolywood、Pledge等一應俱全。小舖另一重點貨就是Mido收集的一批日本手做眼鏡，不少出自泰八郎同廠手筆，好些客人（多來自廣告界）來此就是為眼鏡，$1,680唔算平，證明一班日牌狂迷仍未山窮水盡。
「日圓升對我哋影響不大，因為租金平，加上儲落越來越多客人，生意越來越好。」Mido話。基本上兩位老闆「有收無類」，混入不少歐洲牌如agn囗sb.、DiorHomme、A.P.C.：「我哋無特別定位，基本上任得行街精來尋寶。」的確，全場掛滿衫褲，不過Condition麻麻，要返去洗亁淨，咁先有尋寶Feel嘛！
記者：梁俊鵬
攝影：王文忠、林栢鈞（產品）
Model：ChiWai@Jamcast
Select18（91213011）
中環必列者士街18號雍翠臺地下A舖
加價都吸到JoyceVIP
日牌之最必有玲姐份兒。有位着CdG十幾年的瘋狂粉絲就在上環有地址都幾難搵的地方專賣男裝CdG。眼見每件恤衫外套整整齊齊掛出來，近睇完全同新的一樣，最估唔到全部都是二手貨。每日都為舖頭添少少「新貨」的老闆Rex正職貿易，租商廈賣衫之餘做埋辦公室，透過網上拍賣做宣傳，客路都算廣，由一批Joyce的VIP到來港公幹的意大利人都有。「好彩自己儲了很多CdG，亦有不少在07年或更早的恤衫在日圓滙率較低時已買入，所以影響未算太大。至於近期在日本購入的貨品都加了價，自己都有跟隨加5%左右。」入貨來源除了自己到CdG專門店買，着完拎出來賣之外，有時亦會去Ragtag買入二手衫。這裏好在Rex會揀過先賣，有明顯破損、污迹都不賣。
Comma（25595518）
上環干諾道西18-19號囗華大廈10樓C室