徐濠縈和囡囡康堤前晚以型媽潮童打扮，欣賞溜冰表演。阿徐表示女兒已學溜冰一年多，希望她可大膽一點，改善小姐仔性格。已有七個月身孕的小雪則帶同與前夫所生的四歲囡囡Ronni，與現任夫婿陳先生「一家四口」親子樂，非常溫馨。
徐濠縈前晚帶同囡囡陳康堤現身博覽館，母女二人世界觀看「迪士尼冰上世界」，同場吸引不少星爸星媽帶着小朋友親子樂。阿徐和小康堤以型媽潮童母女look亮相，記者跟小康堤打招呼，她也禮貌地sayhello。
阿徐笑言囡囡很愛迪士尼人物：「佢好鍾意，好似入咗教咁，佢都鍾意公主打扮，喺屋企跟同學仔派對就着公主裙，平時着衫就要型啲，似媽咪。」阿徐更透露康堤已學了溜冰一年半，她說：「學溜冰好多好處，因為我唔想個女咁小姐，怕呢樣怕嗰樣，想佢大膽啲，學識跌吓都應該。」
小雪4月產子
懷有七個月身孕的小雪則與現任丈夫陳先生，帶同一身公主打扮的四歲囡囡Ronni同行，現場所見，繼父陳先生和Ronni相處融洽，小雪說：「老公屋企喺悉尼嗰邊開酒樓，所以我哋成日香港、澳洲兩邊飛，老公同囡囡相處好好，奶奶都好錫我個女，相處仲熟絡過同婆婆。」
問小雪現在懷有七個月身孕，但身形卻很纖瘦，她說：「冇上次咁重，但都好辛苦，條腰好重。已知道呢胎係仔，預產期係4月，會搵番生女嗰時嘅醫生。」
此外，洪欣也與兒子睇騷，她透露6月婚期逼近，但未婚夫忙於拍戲，只好由她與伴娘陳法蓉籌備。問到近日黃長發與富商三奶的姊弟戀，本身也是姊弟戀的洪欣說：「睇唔睇好唔係年紀問題，離離合合都唔係年紀問題，係好講相處。我好好彩，家人好開通，知佢係好男仔，好放心將我交託畀佢，男友家長好單純都唔介意，囝囝黐佢仲多過黐我。」
採訪、攝影：羅慧敏
