韓國組合東方神起前晚喺首爾為亞洲巡迴騷揭開序幕，三場首爾站嘅門票已經賣清光，吸引咗2,000位中、港、日fans捧場，估計為韓國帶來至少2,000萬港元收入。神起五子喺演唱會上施展渾身解數，Max昌珉唱搖籃曲時，Xiah俊秀騎住掃把吊威吔出場扮哈利波特，U-Know允浩同女舞蹈員大跳辣舞，睇到班fans咿嘩鬼叫。