我自問應付小朋友都算有一手，點知老貓燒鬚。早幾日我同埋老友里奧去探我外甥仔，順便同佢落會所玩，入到個兒童樂園，一放佢落地佢就喊，仲要係咇晒眼淚嗰隻，抱番起又唔喊，諗住試吓再放佢落地，結果都係一樣，為免啲人以為我哋拐帶同虐兒，惟有放棄，頭尾逗留咗唔夠兩分鐘就「原機遣返」。
小朋友難搞，拜仁呢隊衰波一樣咁難搞，上個禮拜雖則估中佢哋開入球「大」，但弊在輸咗俾哈化柏林1:2，畀蘋果波神揶揄咗成日。今晚佢哋主場對科隆，雖則佢哋下周中要打歐聯，但上次輸得咁核突，歇冬後3場聯賽輸2場，今次如果贏唔到，睇怕奇哥個位都開始危危哋，就要「主勝」。
讓球主客和：拜仁慕尼黑勝[-1]
心得：信多奇哥一次
近5場往績：WWWWW
青蛙仔
睇德國波同埋英國波大，大個之後攻埋日本波，兼且對日本藝能界幾有研究。