最近睇咗張家輝得獎電影《証人》DVD，雖然張並非男主角，但佢係整套戲嘅演出的確值得讚賞，尤其係當你睇過《我老婆係賭聖》呢類笑片後，原來張都可以咁好戲。
講番套戲，劇本結構都算精密，其中古仔內嘅3個重要人物，原來喺同一宗車禍中有關連，呢個橋段真係出人意表，亦係套戲成功之處。至於張家輝飾演嘅洪荊，亦到咗故事中段先用相片交代佢係一位拳手，亦解釋咗點解佢咁好打。總括嚟講，套戲值得一睇。
至於英超今周上演第3、4位大戰，個人認為車路士今次作客唔會再失威，始終下屆歐聯席位對佢哋嚟講太重要，故貼車路士贏維拉。
主客和：車路士勝
心得：車仔換帥有睇頭
近5場往績：LLLWW
戰鬥員A
同足球有關嘅周邊物品都鍾愛，賭波就專攻日職聯。