我一向鍾意行日本百貨公司嘅超級市場，因為裏面有好多特色嘅日本食品賣，其中日本即食麫一欄，更加係唔可以錯過，品種多味道亦五花八門，搞到我通常都忍唔到手要買番幾個嚟試吓。
不過，可能自細食慣嘅關係，如果要揀最鍾意嘅即食麫，始終都係日本版嘅「清仔丁丁麫」，而且煮嘅時候千祈唔好過冷河，食嘅時候仲要連湯都飲埋，咁先至原汁原味！
既然對丁丁咁有感情，今次推介一於就揀英冠嘅前列球隊雷丁，佢哋唔單止要力爭直接升班，主場又一向特佳，加上周六迎戰布里斯托城時更有以逸待勞嘅優勢，單W熱就熱啲，但勝在穩陣。
主客和：雷丁勝
心得：雷丁主場特佳
近5場往績：DLLLL
吾中
買嘢講名牌，但賭波一定唔會做名牌奴隸嘅大聯盟女神。