就算你唔拜觀音，都可能聽過當年日軍空襲，紅磡周圍頹垣敗瓦惟獨觀音廟屹立不倒嘅歷史；又或者由老旺、港島搭小巴去紅磡，都識大嗌：觀音廟有落！不過講到嗰度最出名都係借庫。噚晚去到借庫嗰幾千人，有冇你份？
藍鑽石喺紅磡長大，見證過好多次借庫境況，好難想像一處咁迫嘅地方，點可能容納咁多人？每年借庫人數多寡，或者睇啲人求乜，係反映市道嘅最佳探熱針。今年人多咗，唔少人係求保住份工而唔係求幾億，都咪話唔愁。
查實我唔信借庫呢回事，自求多福最實際。車路士家陣就要自求多福，我信班球員，亦信軒迪克。
讓球：車路士（上）
心得：車路士點都勁過維拉
近5場往績：LWLLL
藍鑽石
與簡拿華路同日出生嘅囡囡入學，今季大把時間睇波，尤其係意甲。