與T富商育有5歲女兒的三奶李姿霆（Karen），因與港男黃長發譜姊弟戀，令T富商甚為不滿，日內不但要爆Karen大鑊，更要爭女兒的撫養權。二人共同擁有的匡湖居獨立屋業權也改契，任何一方均可透過遺囑把業權轉贈他人，所以就算Karen要變賣套現都有困難。
現年39歲的T富商三奶李姿霆（Karen）與23歲港男黃長發愛得火辣，Karen更堅決要斬纜不再做三奶，希望帶着與T富商育有的5歲女兒，跟長發過一家三口生活。
盼女兒阿發兼得
T富商難忍Karen偷食行為，他除了立即大閂水喉，收回平治座駕，cut信用卡外，日內還會出來爆Karen大鑊，以及力爭女兒的撫養權。Karen表示堅決不會母女分離，她昨日在電話中說：「BB係我十月懷胎生出來，佢有乜嘢資格攞番，佢又有大婆，又有二奶，BB跟住邊個都唔及跟住自己媽咪好。」Karen表示明確知道沒可能與T富商復合，但她希望就算分手，他始終是女兒的父親，有責任供養和照顧她。
若要Karen在男友黃長發和女兒中二選一？她說：「好難揀，如果揀阿發唔要BB，咁我就好冇責任，但揀BB唔要阿發又好可惜。」Karen希望魚與熊掌兩者兼得，她更稱T富商沒有給她信用卡。
T富商安排Karen與雙親同住約值700萬的匡湖居獨立屋，讓李父做無間道監察女兒的一舉一動，Karen和父母居住不同層數，父女一向不咬弦，平時甚少交談。有指這間獨立屋雖是T富商和Karen共同擁有，但其實當中二人簽下了分權共有形式的契約（tenantsincommon），換句話說T富商手上的一半業權，有機會不留給背叛他的Karen。就有關消息求證Karen，她說：「我唔講咁多啦，總之間屋任何一方要賣都必要得到對方同意。」
志偉：識佢時好純
此外，曾在藝能工作的Karen，與導演錢永強、伍思凱和曾志偉傳過緋聞，有讀者更爆料指Karen以前由沙田屋邨搬往九龍塘帝景峰居住期間，曾目睹曾志偉出入上址找她。曾志偉昨日在尖沙嘴出席《香港少林寺》記者會，被問到是否曾與Karen拍拖，志偉即說：「冇！黐線，我哋以前係藝能同事，佢都係靚女，不過好耐冇聯絡，只係試過喺卡拉OK撞過一兩次。」
曾志偉可看好Karen和黃長發的姊弟戀？他又說：「希望佢哋好，我識佢嗰陣，佢個人好單純，冇諗過𠵱家佢會咁勇敢，可能冇嘢勁得過愛情，永遠要尊重人哋，因為冇第三者知道到底係乜嘢事。」
另一方面，孫耀威接受吳君如的《嘩!嘩!嘩!打到嚟》訪問時，自爆曾與年紀大的女性拍拖，君如即笑問：「係咪Karen呀？」其後孫耀威表示於藝能見過Karen，君如更指很多人都認識Karen，她說：「我同好多人傾開，原來個個都識佢，都知佢係邊個。」
採訪、攝影：比華利、何慧斯
