謝安琪（Kay）、劉家輝、邵音音同狄龍等，前晚到時代廣場出席「香港電影百年展」開幕禮，阿Kay獻唱咗幾首電影名曲，佢話拍完《保持愛你》之後鍾意咗拍戲，不過要籌備新碟同演唱會，所以暫時唔接新戲。 同場嘅劉家輝慨嘆電影業低迷同科技進步有關，佢覺得以前科技未咁發達，大家最大嘅娛樂就係入戲院睇戲，𠵱家就多咗好多選擇。