金融海嘯影響下，不少百萬富翁身家大縮水，只能無奈做「大閘蟹」。投資損手的香港大學學者曾潔雯形容虧蝕程度是「十個橙爛咗三個」，但幸保百萬富翁地位。
「好彩銀行冇特別推銷」
去年曾跟本報分享投資心得的港大社會工作及社會行政學系系主任及副教授曾潔雯，昨日再提及最新戰績時顯得頗為無奈。她坦言金融海嘯冲擊，無人得以倖免，現時流動資金仍有逾100萬元以上，但賬面已損手，「好似買咗十個橙，有三個爛咗；賣咗佢，再變番揸住錢喺手。但係你唔會全部賣㗎，咁都係唔郁得啦。」曾潔雯強調，其投資組合包括股票、外幣、房屋等，投資尚算保守及穩健，「我係好信銀行嘅人，好彩佢哋冇特別推銷，主要都係買簡單嘅投資組合。𠵱家都唔敢點郁。」
中產動力發言人馮煒光則坦言，他在股票及基金市場投資虧損，但認為相對大市來說已不算嚴重。他稱在樓宇及黃金方面的投資「冇乜點輸」，雖然已購買一些較穩健的基金及股票，仍要蝕六、七十萬，故他暫不打算作任何投資，並將百多萬現金手持不動，以備不時之需。
本報記者