周慧敏（圖）、林志玲同趙薇等一班中港台女星噚日齊集北京，出席湖南衛視同百度合辦嘅「娛樂沸點2008年度盤點」頒獎禮，雖然北京天氣寒冷，但女星都抵冷着單薄裙子到場。焦點當然落喺倪太周慧敏身上，因為今次係佢結婚後首次到北京工作，令一身火紅低胸裙嘅佢特別受注目。雖然周慧敏撇甩老公倪震赴京，但佢好風騷，仲同觀眾揮手。