有「哈佛小甜甜」之稱的前港姐任葆琳，懂得見好即收，逆市持盈保泰。她在07年恒指升至25000點時已「割禾青」勁賺過百萬，雖尚餘小部份股票賬面微蝕，但已屬海嘯奇葩。談到理財之道，她說量力而為最緊要。
任葆琳上海買樓花
「恒指前年二萬五左右，我已經放咗大部份股票，賺咗七位數字（即過百萬元）。到咗上年初升上近二萬八千點之後，我個人覺得太高，冇再入貨。」35歲的任葆琳未有像大部份年輕投資者般搏殺進取，能夠居安思危，在金融海嘯中得以力保百萬富婆地位。
去年9月金融海嘯爆發後，任葆琳曾兩度入市買了一些大藍籌，至今賬面微蝕，但她說是長線投資，不覺損失。本身是兩間餐廳小股東的她投資謹慎，股票只佔流動資產一成，最近則在上海購入一幢樓花，打算旅行時入住，「我受家人影響，屬於舊式保守嗰隻，唔會採取搏殺策略，投資會量力而為。」
同屬百萬富婆的遵理學校創辦人梁賀琪，則憑外滙創富：「我三年前為咗供妹妹去日本讀書，買咗一筆日圓，到𠵱家升咗十幾巴仙。」她那筆價值港幣200萬的日圓，三年間為她賺了逾20萬港元。除此之外，梁賀琪只會月供小量保險及基金，金融海嘯對她冲擊不大。
梁賀琪也不打算趁低吸納，「我係怕死一族，絕大部份錢都係擺喺銀行。」不過她仍會在今年內作出重大投資，就是多開兩間分校，「香港人好重視讀書，就算環境唔好，都會進修增值，所以我哋呢行生意仲好好。」
本報記者