為咗減少斷供潮嘅影響，奧巴馬前晚宣佈豪擲2萬億港元幫助業主，受惠嘅業主多達900萬，但係市場嘅反應麻麻，花旗股市只係勉強企得穩。方案嘅銀碼雖然大，但係就要銀行配合，仲有好多客觀條件要考慮，係咪可以達到預期效果，確有疑問。
港股噚日反覆升7點，但係成交只有354億元，都係得個靜字。內地股市造番好啲，或者可以幫吓港股。
思捷C輪14876：思捷（330）昨收44.60元，升4.6巴仙，技術走勢有睇頭，如果配合大成交推高股價，有機上破47元，然後向55元推進，可以諗吓隻C輪14876，昨收7.9仙，有效槓桿2.5倍，仲有314日到期，時間值唔怕消耗得太快，股價升上55元，14876有機升上13.2仙，正股跌穿41元，就沽咗隻輪止蝕。
俊樺