濕𣲷𣲷又大霧的天氣，表示新一年的初春又來了。仲未來得及收起衣櫃中的冬裝，當然第一時間是即睇2009年初春服裝。正當以為五顏六色的春夏設計只是女生專利的時候，發現了新晉男牌PetarPetrov不懼姣色的世俗眼光，今季激玩粉色系列，做唔成花樣男孩，都可以做到粉樣男孩喇！
記者：葉雪芯
攝影：陳陶鈞
Model:JosefL.@MMHK
Makeup&Hair:Meegan
DiorHomme之後浪
或者大部份的大牌子大家早已經在年尾預覽過，「萬黑叢中一點紅」用來形容PetarPetrov則非常適合，今季以少人敢玩的粉色見各位鄉親父老，一出FashionShowRunway即被巴黎和日本時裝界勁煲。來自保加利亞的PetarPetrov在02年6月首次發表了他的第一個男裝系列，兩年前則發表了首個女裝系列。設計師PetarPetrov曾經從事過廣告工作的關係，當然明白到衫都係要多人幫襯，品牌先可以成功起朵，所以一直以來的設計多數着重簡約風格，與一般的大牌不同，反而件件Showpiece着得出街，剪裁則大玩過往幾季大熱的細身系。作品一面世後，在日本和巴黎時裝界旋即活躍，更被封為「DiorHomme的長江後浪」，難怪同鄉的曼聯球員貝碧托夫（Berbatov）亦是品牌的Fans之一啦。
棄黑白變姣男
上季本地龍頭SelectShop之一的HarveyNichols亦有引入極少量的PetarPetrov，反應竟然出奇地勁爆，搞到連Bauhaus今季都要FullCollection咁將PP帶來踩場。一個牌子點睇先知佢上緊位？你睇佢有無推出一啲難Carry嘅items就知。若然依然是周街都着得起，咁點算得上是HighClass呢？買開PetarPetrov的Fans大多數是喜歡他的簡約舒服，不過以PetarPetrov的天才，大把人睇好亦無可能咁細膽只敢推出黑白。可能因為近兩年開始有頭有面，儲夠客底今季終於夠膽玩嘢，放棄了東歐時裝一向鍾情的披披搭搭，由過往偏向使用黑、白等簡約色調，改為先玩姣色。新系列雖以純淨、簡單氣質為主，款式設計上亦繼續力求簡單大方，但就用了以乳白、淺粉、鵝黃、水藍為主。若然見到太過Colourful而擔心太難Carry的話，就依舊有黑白Monotone淨色的簡約款揀，款式以條紋貫穿整個系列的靈魂和主題。
Bauhaus（28916811）
銅鑼灣耀華街2號地下至3樓