33歲嘅韓劇《我係金三珣》女星金宣兒噚日做超齡大學畢業生，獲慶熙大學頒發電影系學士學位，佢仲因為提高學校知名度而額外多個功勞獎。戴上四方帽嘅金宣兒雖然被傳媒阻住遲咗10分鐘先入到畢業禮會場，但佢未有介意仲非常風騷，笑笑口話最想收到一個男友做畢業禮物，亦有意繼續讀下去。助教亦大讚金宣兒叻女，最後一個學期平均成績攞A。