劉德華日前在情人節推出新碟，隨碟附送新歌《Iwish》的MV，他在MV中化身卡通紙板人，一人分飾十多個不同角色，示範各種冧女招數，玩得非常盡興，歌迷則投票表示最愛其小丑角色。
劉德華在新歌《Iwish》的MV中，化身十多個不同角色，包括廚神、園丁、蝙蝠俠、上班族、學生、情聖和公園路人等，不少看過MV的歌迷在網上討論，並投票給MV中最喜愛的角色，其中以小丑得票最高。也有人指華仔化身蜘蛛俠幫女友收衫的片段很抵死，應加長片段才過癮。
製作費70萬
問到華仔自己最喜歡那個角色呢？他笑說：「好難揀，小丑我都鍾意，不過演唱會演過啦！要我揀我就最鍾意坐喺度飲茶嗰個小角色，哈哈哈，因為好簡單，只要坐喺度十分鐘不停飲茶導演就收貨，而且呢個角色隱藏喺人群之中，唔誇張，唔搞事，恰如其分簡簡單單又不失活潑可愛。」這個MV製作費逾70萬，華仔用了十多個小時拍攝，為配合後期電腦特技效果，華仔更擔任動作指導，教女模特兒如何凌空擺甫士。
華仔在MV中扮演一個百分百好情人，不過他自言在現實中只值80分，他說：「現實中我肯定唔係100分情人，應該最少有80分。世界上冇完美情人，血肉之軀點會冇缺點？不過我有個得到100分戀人嘅秘訣，就係將視線只係放喺對方嘅優點上，忘記對方嘅缺點，萬試萬靈，唔信大家可以試吓。」
撰文：林妃
