今日係肥姐沈殿霞離世一周年，欣宜噚日喺將軍澳電視廣播城開工，佢話趁今日係肥姐嘅死忌，所以向無綫請假去拜祭佢。欣宜仲話越嚟越掛住肥姐，特別係當自己成功嗰刻就更加掛住，好想同肥姐分享，問到佢有冇約埋爸爸鄭少秋一齊去，佢就話：「冇呀，咁佢都要開工。」陳淑芬對此話：「喺七月肥姐生忌，我哋會喺沙田博物館舉行公開展覽。」