自由黨有「北辰中興」，韌力似乎強勁咗好多，就算政府出盡全力向消費券潑冷水，佢哋都堅持唔放棄。副主席方剛同張宇人連同田二少，日前赴台考察，了解實施消費券情況。
三男組考察後發現，政府派消費券嘅行政費用極低，並唔係天文數字，而且派發過程唔繁複，台灣有逾2,000萬人口都搞得掂，香港得700萬人冇理由辦不妥，特區政府講到好難搞，似乎係推搪之辭。自由黨又請教當地學者，據稱初步計算，消費券可以提高人均消費1%，即係大約消費多1,350蚊左右，對推動經濟有顯著效果，自由黨話至少可以令零售飲食等行業打工仔保住飯碗，唔使成為失業大軍，港府應該三思。