科大校長朱經武今年8月離任返美，噚日最後一次請傳媒去校長府聚會，校長夫人陳璞特別喺美國嚟香港，仲親手整曲奇餅請記者食。朱太一向以廚藝了得出名，點解朱經武又冇食到變肥仔呢？原來從事金融業嘅朱太喺金融海嘯後，成日應邀公開演講，唔得閒下廚，所以朱校長咪keep得到身形囉。
朱經武上任後，科大好多變革，其中一個係將前任校長吳家瑋喺校長府內豪建嘅泳池填平，成為草地大花園。朱校長今年拜拜，浸大老校吳清輝出年中都退休，浸大校董會噚日列出六大遴選新校長條件，包括領導才能、國際視野、認同浸大理念等，校董會主席王英偉預計年內就物色到新校長。