港股噚日走勢好曳，跌超過500點，13000關失守，A股啱啱調整，冇咁快停，如果噚晚花旗股市向下走，今日港股更加唔樂觀，隨時會下試12500。
花旗將公佈減少房屋斷供措施，斷供個案多到好得人驚，單係去年就有230萬個，今年估計最少會再多300萬個，所以投資者都好關注。噚日奧巴馬政府放風話要迫銀行減按息配合，市場嘅反應可能好負面。
中移動P輪15654：中移動（941）昨收70.60元，跌4.4巴仙，同恒指一樣，跌穿晒短期平均線，技術走勢轉弱，66.50元將受考驗，守唔住就要下試59元支持位，可以諗吓隻P輪15654，昨收8.6仙，有效槓桿2.7倍。
正股跌落59元，15654可升見13.4仙，正股升破76元，就沽咗隻P輪止蝕。
俊樺