組合2R、吳浩康和莊思敏昨日在尖沙嘴出席開幕活動，Rosanne被問到安志杰被指跟謝婷婷撻着而飛起她，她說：「唔知點解成日都話我俾人飛，次次都講到我好慘，下次我要試吓飛人。我同安志杰只係好朋友，一直有聯絡，我都識得婷婷。」安志杰有否告知她拍拖？Rosanne說：「唔使周圍同人講，大家都知佢哋一齊。」
「做戲太叻」
問到何時論到Rosanne拍拖？她說：「我希望發展會結婚嘅感情，唔係玩玩吓，𠵱家都發展緊。我唔想同圈中人拍拖，佢哋做戲太叻，唔知幾時真，幾時假。」
吳浩康則被問到前女友胡定欣被傳與馬國明拍拖，他說：「我哋冇聯絡，如果係真都恭喜佢，我覺得馬國明緋聞少又孝順，好難得。」
採訪：何慧斯
攝影：黃偉雄