港股噚日得個靜字，其實近排成交都唔算多，噚晚花旗股市又休息，股民更加傾向觀望，成交唔夠350億元，睇嚟未有突破之前，港股成交都會好奀。
今日東亞（023）公佈業績，意味銀行嘅業績期開始，睇啲銀行股嘅走勢就唔多盞，金融海嘯之後銀行業績差可以話係市場預咗，不過千祈唔好比預期更差，否則銀行股全面插低嘅機會好大。
中行C輪16034：中行（3988）昨收2.18元，升0.9巴仙，股價早前上試50日線後橫行，噚日收喺50日線水平，條10日線已經升到上2.13元，應該係時候向上試100日線，破位睇2.56元，可以諗吓隻C輪16034，昨收41.5仙，有效槓桿3.2倍。正股升上2.56元，16034可見67.4仙，正股跌穿2.05元，就沽咗隻輪止蝕。
俊樺