上周五畢傑兄貼華倫開「大」，結果爭一球，本欄又要輸錢，真係要畀啲心機貼好啲，追番啲分先。周三歐協盃32強賽事，我唔信衞冕嘅辛尼特，一於博史特加「讓球主客和」「客勝」。
辛尼特失艾沙維難靠
辛尼特上屆贏歐協盃，今屆轉戰歐聯分組賽，即刻顯得唔夠班，尤其是3場主場，球迷過份高估下，只得2和1負的戰績，結果在小組屈居第3，跌返落歐協盃32強。周三首回合賽事，由於新一季俄超未開鑼，辛尼特只靠友賽提升狀態。而且1月轉會市場重開，已先有主力艾沙維轉投阿仙奴，中場大將泰摩斯卓克7月又加盟拜仁慕尼黑，普格恩耶克、舒洛哥夫等都傳過轉會，辛尼特有啲似當年中央陸軍咁，贏完歐協盃就開始被拆骨。
俄羅斯球隊一向靠天寒地凍之利恰客軍，據報現時聖彼德堡氣溫喺攝氏-4至-2度咁上下，不過講真，德國球隊一向都凍慣，史特加唔太蝕底。而且史特加喺德甲重開後狀態不斷提升，除德國盃大敗予拜仁外，3場聯賽取得2勝1和，馬里奧高美斯同希斯佩加都大勇，除咗後衞迪比亞外，更可強陣出擊。以今屆歐協盃4場作客，只輸過西維爾一場，今仗受讓當然要捧「客勝」。
費倫阿積士做「大」戲
配腳方面宜取易不取難，選周四另一場首回合賽事，費倫天拿主場對阿積士開「大」。費倫上仗落後3球下迫和熱拿亞，梅度又有靚波入，阿積士上仗又反底擊敗飛燕諾，難得兩軍都入得又失得，博入球「大」隨時上半場已過關。文：牽牛
早飛王貼士
星期三2辛尼特vs史特加
首選 史特加勝[+1]（1.72）
次選 辛尼特和（3.55倍）
冷選 辛尼特和2:2（13倍）
早飛倉
主菜：星期三2史特加勝[+1]（1.72）@$1,000
渾水換魚過關：星期三2史特加勝[+1]（1.72）x星期四4費倫天拿大（1.85）2x1@$500
今日早餐價錢：$1,500
上日賺蝕：$2,500
早飛倉結餘：$85,564
規則：$100,000本錢，每日買早報最多動用$5,000，最少$1,000，逢周二、五見報。
周中焦點
星期三14 曼聯vs富咸
在英足盃半力下仍輕鬆晉級的曼聯，周三回師英超主場對富咸，不單力爭10連勝，擴大領先優勢，如門將雲達沙保持64分鐘不失，更可打破世界頂級聯賽門將連續不失球紀錄。
星期四2 薩克達vs熱刺
已打入英聯盃決賽的熱刺，周四將於歐協盃32強首回合，作客烏克蘭的薩克達，爭取成為雙料冠軍。薩克達在歐聯C組只得第3，降格至歐協盃32強。