昨日談到生活中的5個壞習慣，會慢慢「陰亁」你的錢，今日再分享多5點，一於齊齊改掉壞習慣。
（六）近年女士都愛修甲及整花甲，雖然十指顏色繽紛很好看，代價是一星期至少花150元，計落每年於手甲上就用去7800元，建議只在特別日子如飲宴前才美甲，其實日常上班，手指亁淨整齊已足夠。
（七）自金融海嘯後，發現公司雪櫃經常「滿座」，相信是打工仔知道，出外食一餐平均要30元，計埋一年就要使7800元，帶飯返工既慳錢又健康。
（八）養車一族使費多，又要油錢又要泊車費，而且定期的清洗費亦少不了，故最好控制洗車次數，建議每兩周親自洗車一次，自己不能處理時才到車行大清洗，盡量慳多啲。
自己動手盡量慳
（九）近期銀行不斷調高信用卡遲還欠款的息率及罰款，由逾20厘至逾40厘，一不留心遲還卡數，利息分分鐘貴過本金。
（十）最近兩三年，城中掀起一陣瘦身及健身風，人人爭相畀錢入會做運動，月費平均要300元，一年使3600元舉重跑步，在現時嚴峻的經濟寒冬中，你認為值得嗎？
（下）