民建聯陳克勤月初應邀同其他黨派成員訪問英國，會見當地政界人士，正式訪問行程結束後，佢情迷英倫，私下留低玩多幾日，由於此行係西敏寺民主基金會贊助，唔係私人旅行，有同行者認為因私staybehind，有佔小便宜之嫌。
陳克勤噚日喺一個公開場合，自爆因私留英，所以返港後遭黨高層訓斥，要求佢解釋，佢話反省後，認為黨高層批評正確，唔敢有下次。陳克勤又話此行學到好多嘢，當地政界人士同佢講，"allpoliticsislocal"，令佢開竅。呢句話係各地政客金句，已故美國眾議院議長TipO'Neill有名著《AllPoliticsIsLocal:AndOtherRulesoftheGame》，唔知佢睇咗未？