亞視執行主席張永霖上星期派大信封，逾200個亞視員工被裁員，負責開刀嘅人，內心世界如何？張永霖日前喺電台節目中話，身為公司領導人，要向股東、員工負責，不過好不幸，有好多人口是心非，將個人利益置於最高位置。
張永霖係咪講舊老闆小小超，外人就不得而知，佢又話自己最欣賞有理想知識分子，仰慕清末百日維新嘅梁啓超、康有為，認為後生仔應該多讀兩人著作，必定獲益良多。搞革命要付出代價，康、梁兩人下場，張永霖冇理由唔知。
被視為漢奸嘅民國人物陳公博，原來亦係張永霖偶像，佢指陳公博為人清廉而且有原則，只係想用一種方法救中國，後世對佢評價應該客觀啲。想為漢奸平反，張永霖有冇弦外之音呢？