楊紫瓊前晚情人節獨自出席香港癌症基金會慈善舞會，她表現甜蜜蜜，大爆法拉利高層未婚夫已越洋送花慶佳節。楊紫瓊笑言與未婚夫一起，日日都是情人節。
向來被視為balloftheyear的香港癌症基金會所舉行的慈善ball，前晚情人節在太古坊的ArtisTree舉行，不少社交名人都一雙一對甜蜜赴會，當中包括李玟（Coco）與富商未婚夫BruceRockowitz、董立茂與夫婿和阮偉文榮文蔚夫婦等。
「日日同我求婚」
楊紫瓊（Michelle）身穿Versace紫色晚裝，佩戴了價值逾280萬的鑽飾獨自一人到場，問她情人節是否感孤單，她即笑言法拉利未婚夫JeanTodt已越洋送上鮮花，她說：「朝早已經收到越洋送花，我都一早安排送咗花畀佢。」記者問她的男朋友是法國人，過情人節是否十分浪漫，她笑說：「法國人唔會有特定日子先慶祝，我哋每一日都係情人節，佢差唔多日日都同我求婚，我就好enjoy日日都有人向自己求婚，自己從來冇拒絕佢，亦冇講yes定no。」
記者笑問何時結婚，Michelle說：「我又唔係20、30歲，結婚唔係最重要，我驚我同佢sayyes，佢會唔信，開心到暈低，不過我都會諗吓。」
李玟擱置婚期
此外，李玟與未婚夫Bruce也笑言每天都是情人節，Coco說：「佢前日已經送咗玫瑰花畀我，我就朝早9點幾出席佢講嘅speech，已經好支持佢。」問她會否覺得未婚夫浪漫，她說：「佢好浪漫，我哋成日互相畀驚喜對方，大家返屋企成日都好surprise，成日都ohmygod！」問Coco何時與Bruce拉埋天窗，她說：「𠵱家未諗住，今年會集中多啲工作，會忙錄音同演唱會工作。」
至於同場的熊黛林，其緋聞男友郭富城日前接受內地網站訪問時，指「未來10年是事業黃金階段，並不過於看重感情」，又指戀情只放在工作、母親之後的第3位，看來熊黛林的婚事要等多10年。
採訪：RitaLeung
攝影：EdwardChou