波羅的海亁散貨航運指數（BDI）早前升勢十分凌厲，但上周開始回吐。航運業與經濟盛衰息息相關，通常進入一個上升或下跌周期之後，起碼都要行兩三年，故此早前一眾航運股雖然異動，散戶敢跟進唔算太多。
航運業02年至07年經歷長達六年的好景，到08年碰上金融海嘯，出現行業周期性調整，呢一浪低潮運行幾耐暫時冇人知。航運公司面對經濟大衰退，形勢被動，可做的是削減運力。
東方海外前景睇淡
航運股板塊中，東方海外（316）係散戶關注對象。集團主席董建成早前向傳媒透露，今年1月及2月貨運量按年下跌20%至30%，集團處虧蝕狀況。另外，受貿易需求急降及運力過剩，運費已低無可低。
東方海外上周五跟隨大市反彈，收18.30元。短線若跌穿上升楔形，後市將反覆下試低位。航運股今年唔易炒，除非跌得太殘，否則都係不沾手為妙。
方星俠