花旗股市上禮拜四借傳聞反彈咗一日，跟住又跌番，有報道話奧巴馬會喺呢個禮拜三講有關減輕供樓一族負擔嘅計劃，花旗股市睇嚟又會借呢個消息炒作。
港股早幾日喺14000邊碌番轉頭，一時間情勢好似好危急，好彩禮拜五彈番高，暫時可以守穩13000樓上，不過要升破14000關仲係有難度。市場嘅焦點喺中資股，短炒離唔開呢啲股份。
國壽C輪15697：國壽（2628）上周五收23.45元，股價過去3個月喺18至26元之間上落，今個月頭喺低位炒番上嚟，個勢唔錯，好有機會再試26元，破位睇27元，可以諗吓隻C輪15697，現價21仙，有效槓桿4.6倍。
正股升上27元，15697可見38.5仙，正股跌穿22.30元，就沽咗隻輪止蝕。
俊樺