法國女星蘇菲瑪素（SophieMarceau）情人節在北京主持珠寶店開幕，心情靚絕在店內跳舞，剪綵後蘇菲仍拿着長絲帶風騷扭動。
法國女星蘇菲瑪素前晚情人節，在北京為她代言的法國珠寶CHAUMET主持新光天地的專門店開幕剪綵。蘇菲瑪素穿上一條黑色低胸裙，戴上一條價值逾611萬人民幣的鑽石頸鏈，並由CHAUMET總裁ThierryFritsch引領出場，蘇菲瑪素心情靚絕，轉身攬着ThierryFritsch跳起舞來，更風騷地在場內轉了兩下，才開心地走到門口，用普通話說：「你好！」又轉用英文說：「很開心今次到北京過情人節。」她和總裁、CHAUMET中國代理邱楊寶春等一同剪綵，蘇菲瑪素仍未high完，拎起長絲帶扭兩下，又不時伸伸脷。
預祝情人節
楊小娟特別赴京支持，她謂收藏CHAUMET一個1866年頭冠及1810年古董吊墜，並謂因呂良偉拍戲，已預祝情人節，又說：「我送咗對自己設計、鑲咗鑽石嘅袖口鈕畀佢，用咗幾個月嚟設計。」問她收到甚麼禮物？她說：「999支玫瑰，佢每年都送。」近期影視圈除了有魔術鹹豬手，更出現四蕩花，呂良偉經常與不同女星合作，問楊小娟可會擔心？她即說：「唔擔心，佢幾時都俾女圍㗎啦，佢前晚同郭可盈拍親熱戲，之後都有話畀我聽。」
採訪、攝影：曾小嘉